乾衣機有3種?選購前要注意3點?


時下多數洗衣機、浴室寶都有乾衣功能,不過乾衣機嘅乾衣效能應該會勁啲,所以仍有存在價值。乾衣機除咗可考慮選擇電動/煤氣,其操作原理仲可以分為三大類,包括排氣式、冷凝式、熱泵式。

乾衣機有3種?選購前要注意3點?

排氣式乾衣機
排氣式乾衣機係結構最簡單,最傳統嘅機款,透過抽入空氣並於滾筒內加熱>吸收衣物濕氣後,排氣管將多餘熱氣同濕氣(部份型號專設排風位作散熱用,毋須額外安裝散熱喉管)排出室外,並留下乾燥的空氣繼續乾衣。排氣式好處係價格較經濟,選擇多,缺點係需要預留空間以安置排氣管(如不把蒸氣導出室外,室內會變熱及潮濕)。

冷凝式乾衣機
冷凝式乾衣機同樣會抽入室內的空氣並於滾筒內加熱,分別係多咗個有凍水流動嘅冷凝器,因此蒸氣不需要排出機外,而係經由冷凝器凝結變成水分,然後流到儲水箱中(部份型號則經排水喉排出),使用後可清埋儲水箱。好處係安裝較簡單,唔駛整排氣喉。壞處係乾衣過程會稍為提升室內溫度、耗水較多,價格比排氣式乾衣機貴一點。

熱泵式乾衣機
熱泵式乾衣機可以話係冷凝式嘅升級版,所以亦叫做熱泵冷凝式乾衣機。佢嘅熱泵系統可以回收乾衣過程中所產生嘅熱能,從而達到更高嘅烘乾同除濕效能。熱泵式嘅乾衣效果好、耗電量低,亦唔會令到周圍嘅空間變得太熱。缺點係價錢比較貴。

煤氣乾衣機 X 電動乾衣機
市面上多數都係電動乾衣機,安裝同使用都比較方便。乾衣效能:兩者並無分別,不過煤氣乾衣機需接駁煤氣喉同排氣喉,以將蒸氣排出室外,而且使用時需要開窗保持室內空氣流通。

購買乾衣機前必須考慮嘅3個要點
 


消費者選購乾衣機前需要注意啲乜?以下有消委者嘅建議:

1. 體積
香港居住空間有限,所以可考慮選擇一啲有洗衣同乾衣功能嘅二合一機款,或者揀掛牆或架疊款式,減少佔用空間。

2.容量
同洗衣機一樣,乾衣機都其容量限制,建議選擇同洗衣機有同等容量嘅乾衣機,或者按家庭人數計算。一般而言,1人可選擇3kg、2-4人可選擇6-8kg、5人或以上可選擇9kg或以上容量。

3. 耗電量
如果買耗電量較高嘅電動排氣式乾衣機,不妨考慮用滾筒較大嘅款式,耗電較少之餘亦能減少衣物起皺。
另一方面,配備濕度/溫度感應器嘅機款,都可以節省電力消耗。亦可留意/參考由機電工程署發出嘅電動乾衣機自願性能源效益標籤。
 

本文章發表於:閒聊

加入217

鼓勵作者

目前持有 Blink Coin: Loading..

選擇禮物


愛心

(Coin 10)

幫高調

(Coin 20)

咖啡

(Coin 30)

掌聲鼓勵

(Coin 40)

崇拜眼神

(Coin 50)

驚呆了

(Coin 60)

神人4ni

(Coin 70)

花束

(Coin 100)

鑽石

(Coin 300)

紅寶石

(Coin 500)

藍寶石

(Coin 1000)

黃寶石

(Coin 3000)


送出鼓勵



發表匿名文章不會出現你的大頭圖與名稱,你可暢所欲言,但文章內容務必遵守「佈告欄使用規範」!


回應

送出回應


想回應這篇文章嗎?也想發表文章嗎?
馬上登入來發表文章、追蹤作者、收藏文章或回應文章吧!

註冊 登入